Meðan ég hamaðist á crosstrainernum í ræktinni í morgun, sveitt og sexy, tóku grímuklæddir guttar sig til og sprengdu upp sólbaðsstofu í næsta nágrenni við mig. Fréttamennirnir voru ekki lengi á staðinn og hefur þyrla sveimað um hérna á österbro í allan dag og myndað allt í bak og fyrir. Sem betur fer sakaði engan, en ekki er enn vitað hvaða guttar þetta voru, eða hvort þetta var enn ein hefndaraðgerðin vegna endurbirtingar Múhameðsmyndanna frægu.

Múslimarnir voru, skiljanlega, ekki ánægðir með þetta uppátækji fjölmiðla, og hefur allt verið vitlaust hérna síðan, sérstaklega í síðustu viku, meðan skólakrakkarnir voru í vetrarfríi. Krakkagreyin höfðu greinilega ekki annað að gera en að kveikja í bílum og húsakynnum útum allan bæ. Bara svona aðeins að hrekkja stjórnendur landsins. En núna er vetrarfríið búið, og því eitthvað farið að róast í Litlu stórborginni, nema í Ishöj, þar sem nokkrir skólar eru með frí þessa viku, en ekki síðustu. Hvar eru foreldrar þessara barna?? Maður spyr sig. Er ekki frekar óeðlilegt að ungdómur nútímans hafi ekkert annað að gera en að kveikja í eigum annarra þegar það er vetrarfríi í skólanum? Mér er alveg sama þótt einhver hafi birt einhverja skrípómynd af Múhameð, það er engin afsökun fyrir að krakkarnir vaði um og kveiki í bílnum hjá saklausum nágrannanum. Og ef Múslimar ætla að mótmæla, er það þá ekki frekar í verkahring fullorðinna manna, frekar en óharðnaðra unglinga? Við erum að tala um grunnskólakrakka hérna. 

Það hafa reyndar ekki bara verið læti og óeirðir vegna þessarra birtinga. Á leiðinni heim úr skólanum á föstudaginn fylltist ég óstjórnlegri löngun í kebeb, og ákvað að koma við á St.Hans Torv. Það var stappað af fólki og fréttamenn um allt. Komst að því aðeins seinna að þarna fóru fram friðsamleg mótmæli, undir stjórn fullorðinna manna. Þar sem Torgið var fullt af múslimum í mótmælahug voru kebebstaðirnir í kring allir stappaðir líka. Ég komst þó að, og spjallaði aðeins við 4 múslima sem sátu inni að borða, enda svangir eftir öll mótmælin. Meðan ég beið svo eftir kebbanum mínum, kom inn ungur múslimi, frekar örvæntingarfullur, hálf skjálfandi. Spurði hvort hann mætti biðja. Eiganda staðarins fannst ekkert sjálfsagðara, enda sjálfur múslimi. Fór bakvið, sótti samanbrotinn pappakassa og lagði á gólfið útí horni. Örvæntingarfulli maðurinn lagðist svo á hnéin, hummaði og hammaði, og tilbað Múhameð af áfergju. INNÁ MIÐJUM KEBABSTAÐ. Einsog ekkert væri eðlilegra. Og á meðan stóð ég agndofa og horfði á. Þangað til maturinn minn var ready og ég dreif mig heim. Alltaf er maður að upplifa eitthvað nýtt.

Auk allra breytinga hefur líka margt skemmtilegt gerst. Fór á skauta með bekknum




Söng í singstar (gerist næstum aldrei)





Fékk Auði og unnar í heimsókn



Drukkum fullt af bjór





'Eg gerðist dúfukona



Tókum á móti Evrópumeisturum í handbolta á Rådhuspladsen (ásamt 2500 stoltum dönum)



Drukkum coctail in a fish bowl. Það var upplifun.