Við gerðum það og vorum ekki lengi að endurvekja gamla vináttu, það var næstum einsog við hefðum talað saman á hverjum degi allan þennan tíma. Tíminn leið, og vináttan þróaðist síðan útí eitthvað miklu meira og dag, ári eftir að við hittumst aftur, er þessi gamli vinur minn aðalmaðurinn í mínu lífi og ég gæti ekki verið hamingjusamari.

Ég get ekki lýst því hvað ég er þakklát fyrir að vinir hans keyptu flugmiða fyrir hann heim til íslands síðustu jól og skipuðu honum að koma heim, annars hefðum við kannski aldrei hist aftur...eða þá við hefðum hist annarstaðar fyrir tilviljun, á götum kaupmannahafnar kannski? Maður veit aldrei.

Jæja, jólabloggið kemur bara snemma þetta árið.
Síðustu dagar hafa þotið áfram á ég veit ekki hvaða hraða. Mamma og pabbi komu í heimsókn í nokkra daga. Skáluðum fyrir tólfunni, röltum um bæinn, fórum útað borða, kíktum í jólatívoli, en gáfumst fljótt upp á því sökum mannmergðar, en fórum bara í leikhús í staðinn og sáum nútímaútfærslu á hetubrjótnum, alveg geggjuð sýning.


Þegar foreldrarnir yfirgáfu okkur aftur, fluttum við Smári yfir til SIggu frænku, en þau skelltu sér til LA um jólin, og við berum þar með ábyrgð á hundi, húsi og bíl. Þar sem við erum því með risaíbúð ákvaðum við að splæsa í aðeins stærra jólatré en ætlunin var (missti mig samt ekki alveg, það ernú kreppa) En ég fékk alvöru jólatré og við fjárfestum líka í æðislegum antik jólatrésfæti, luv it. Jólatréð stendur því fallegt og flott í stóru stofunni, og Jojo, hundurinn, er búinn að vera voða duglegur að láta það eiga sig. (hafði satt að segja mestar áhyggjur af því að hundsspottið myndi taka sig til og míga á það, en það hefur sem betur fer ekki gerst)


Jólin byrjuðu síðan formlega á föstudaginn þegar við fengum Jenna og Svölu, vini smára, í mat. Íslenskur humar, lambakjöt, eðalrauðvín og vanilluís með marssósu í desert...gerist ekki mikið betra.

Anja bauð okkur gömlu lesgrúppunni í julehygge í dag. Ætlunin var að skála í glögg og borða eplaskífur, en það er víst ekki í boði lengur að drekka glögg í danmörkinni því það er bara uppselt allsstaðar. Það á semsagt ekki að drekka glögg þegar það er komið svona nálægt jólum, úps man það næst. Börnin undu sér vel og Asbörn og Helga María voru farin að leika saman á fullu eftir smá aðlögunartíma. Ég var að pælí að taka barnið mitt, hann Jojo með, það sem hinar ætluðu að mæta með sín börn, en ég vildi ekki hætta á hann myndi pissa á gólfið hjá önju, þannig að það verður bara að bíða betri tíma að ég mæti með barn í þennan jólahitting.


En næst á dagskrá er svo bara undirbúa brottför til þýskalands á morgun. Hundinum verður hent í pössun til annarrar frænku sem fannst í köben meðan við skötuhjúin skellum okkur í jólamat til "ömmu". Ég reikna ekki með því að ég verði í miklu netsambandi næstu dagana, en ef einhvern langar að ná í mig þá verð ég með danska símann minn á mér, as usual.

Það er ekkert grín að koma heim í kolniðamyrkri, eftir ýkt langan dag, nýkomin úr ræktinni, með alltof þunga skólatösku, íþróttatösku OG tvo innkaupapoka...búandi á 6.hæð!! Þið sem ekki hafið komið heimsókn...þá er sko enginn lyftulúxus í mínum stigagangi. Neinei.

Þrátt fyrir að ég hafi verið alveg að líða útaf af blóðsykurfalli þegar ég loksins kom heim, þá er alltaf voða gott þegar maður á svona effektiva daga. Og ég bætti um betur. Við Helga settum upp svunturnar og komum okkur í bakstursgírinn, skelltum kremi á sörurnar og hentum okkur útí smá tilraunastarfsemi við konfektgerð. Við gleymdum okkur aðeins og alltí einu var klukkan orðin alltof margt, svona miðað við að ég þurfti að vakna um 6.30 til að komast á réttum tíma uppá spítala í morgun. Þetta varð því til þess að ég var frekar sybbin og utanvið mig í tímum í dag, hafði ekki mikið til málanna að legga við skipulagningu á meðferðarplani fyrir ´"sjúklinginn" okkar. Einsgott að þetta var bara gömul sjúkrasaga sem við fengum, annars hefði getað farið illa ....en ég sé allavega fram á góða lærdómshelgi, með fullt af sörum og konfekti. Smári er að fara í sitt fyrsta próf á mánudaginn, þannig að það verður lítið um jólabjór þessa helgina ;) Sem er bara ágætt, þá get ég nýtt helgina til að undir búa bachelrovörnina mína, sem ég fer í á þriðjudaginn. Sæll hvað það verður gott að klára það....þá er "bara" 6 tíma skriflegt próf eftir í janúar ;)