Vika 32

Þó ég hafi engan vegin verið að standa mig í að setja nýjar bumbumyndir hérna inn þá hefur bumban mín sko heldur betur verið að vaxa. Alltí einu finnst mér ég voðalega ólétt eitthvað, sem er bara gaman. Sá litli spriklar og spriklar og finnst greinilega ekki alveg nógu mikið pláss þarna inni, held stundum hreinlega að hann ætli út um naflann ;) Skil hann svosem vel, núna eru allir vinir hans úr bumbugrúppunni mættir í heiminn, tveir litlir strákar og ein prinsessa, skil vel að hann sé spenntur að hitta þau ;) En við verðum víst áfram í bumbufjörinu í nokkrar vikur í viðbót. 

Verðandi amma og afi kíktu í heimsókn síðustu helgi. Þau komu með hálffullar töskur af barnafötum og prjónapeysum frá langömmunum og auk þess var farið í babysam og HM og keypt aðeins meira á prinsinn. Við fjárfestum líka í barnavagni sem verður vonandi kominn í lok apríl ;)

Og hérna kemur 9.janúar myndin, aðeins á eftir áætlun, en ég lofa að hun var tekin á réttum tíma ;) 

5 mánaða bumba

Smári vill ekki að mér líði illa yfir stækkandi maganum og er því að safna í bumbu líka. Þar er bjórinn góð hjálp ;) 

Annars verðið þið bara að kíkja á myndirnar og lesa það sem ég skrifaði undir til að vita hvernig jólin voru hjá okkur. Nenni ekki að gera eitthvað svaka blogg. Í hnotskurn áttum við alveg yndisleg jól, hrikalega kósí að vera bara tvö ein á aðfangadag. Mæli algjörlega með því að prufa þetta. Smári toppaði síðan allt þegar hann fór á skeljarnar og bað mig að giftast sér, einsog þið flest vitið. Ég sagði auðvitað já, og við stefnum á brúðkaup innan 2 ára ;) Þetta var semsagt alveg æðislegt allt saman. Restin af jólunum fór bara í að borða (vorum reyndar ekkert voðalega dugleg við það, það var svo mikill afgangur af jólamatnum að það var eiginlega vandræðalegt, og desertinn ekki borðaður fyrren seint á jóladagskvöld), hitta gott fólk, slaka á með tærnar uppí loft (þar kom nýju skemillinn sér vel), horfa á LOTR (þar kom skemillinn sér líka vel) og LÆRA!! Vúhú. Eyddum svo áramótunum með Grétari og Önnu uppá Kagså kolleginu, og tókum þar á móti 2010, sem verður mjög svo spennandi og viðburðarríkt ár hjá okkur turtildúfunum, þar sem okkar bíður eitt stæðsta hlutverk sem maður tekur að sér í lífinu ;) 

Framundan er svo að pakka búslóðinni í kassa og flytja okkur uppá Kagså. Svo er að mála og pússa gólf í gömlu íbúðinni, svo við getum skilað henni af okkur í fínu standi, og þá tekur við annað próf hjá mér, klinik, og svo bara fæðingarorlof....ji hvað það verður næs. Og shit hvað þetta á eftir að líða hratt. En talandi um að vera komin í pakkann....ólétt, trúlofuð OG að flytja í úthverfi. Jiminn eini, það sem hlutirnir geta breyst á 2 árum ;)